Mostar&Me

Vrapcicimarknaden

13. oktober 2013

Velkommen til Vrapcici!

Det er utruleg fascinerande kor mykje UWC-livet endrar seg frå år til år. Ein ting er å gå frå å vere førsteåring til å bli andreåring, men endringane i «skulesjela» er nesten like store. UWC Mostar er summen av menneska som er her, og når ein endrar folka endrar UWCM seg — naturleg nok.

Ein av dei store tinga i år er marknaden i Vrapcici &emdash; som eg ikkje eingong hadde høyrt om i fjor. I år reiser folk dit kar helg, og ingen er meir ivrige Vrapcici-arar enn Zaheed, ein brite med Pakistanske foreldre som har funne seg utruleg godt til rette der. Han har vorte «adoptert» av marknadsfolka, og alt etter ein månad visste alle i Vrapcici kven Zaheed var &endash; og hadde truleg invitert han på middag minst ein gong.

Zaheen gjer seg klar til proff-pruting i ei av ørten fruktboder.

På Vrapcici har dei alt: billeg Cevapi i ein restaurant med dokkestolar, ein butikk med korkopnarar, eit utal boder med falske merkevareprodukt eller haugar med klede som dei villeg sel for ein mark (2 kroner) eller 50 fennign om du prutar. Enkelte har òg rett og slett samla saman ein haug med ting som dei sel for nøyaktig det dei måtte føle for i den augneblinken &endash; som regel ikkje spesielt mykje.

Det er ingenting å seie på utvalet, verken i breidda …

… eller djubda