Mah room y’all
Her i Mostar er alle elevane delt i to ulike «residensar»: Susac og Musala, der alle bur i rom saman med alt frå null til tre andre. Samanlikna med Musala er Susac kjent for å liggje mindre sentralt og for å mangle fellesareal, men på den andre sida er den materielle standarden høgare, og maten betre og varmare.
Her i Susac er det mange ulike romstorleikar, frå «vanleg rom» (med senger,klesskap og eit bord eller to) til rom med balkong, kjøkken og bad, i tillegg til tidlegare nemde fasilitetar. I tillegg har me veldig grovt rekna eit bad per to rom, samt eit felleskjøkken i kvar etasje, til å grise, søle og vaske opp (mange vil hevde at sistnemnde aktivitet skjer sjeldnare enn han burde) på mellom måltida.
Rommet ser betre ut enn det har gjort på lenge, så då ville det ha vore litt teit å ikkje lagt ved litt bilete. For spesielt interesserte: inventaret inkluderer:
- 2 stk senger (med skuff under)
- Eitt klesskåp
- To bord
- To stolar
- Eit nattbordsskåp (det andre kjem … snart nok, i fylgje kjelder)
- Ei vifte
- Ymist anna
I grunnen aldeles passeleg. Me har i grunnen alles, was das Herz begehrt, og det held som regel i lange baner. Og vi har truleg brukets beste utsikt, utan at det er noko vi klagar nemneverdig over.